Dé Céadaoin, Lúnasa 18, 2010

M2010.08.09

Spreagtha ag alt Mhic Con Mhidhe sa IT inné.
"in Éirinn tharla rud aisteach sa 19ú haois. Rinneadh coilínigh de na dúchasaigh féin. Baineadh a gcultúr agus a dteanga díobh. Bronnadh an Béarla agus cultúr Briotanach orthu. Ba choilínigh ina dtír féin iad as sin amach."
Bíonn ceist na Gaeilge leadránach de ghnáth agus ní chuirim mórán spéise inti i ndáiríre, ach is breá liom plé faoin tsíceolaíocht a bhaineanns le coilíneachas, nó an iarmhairt síceolaíochta de bharr coilíniú.
Ar ndóigh i bhfad roimh an alt thuas bhí aiste scríofa ag Tomás Mac Síomóin ar an ábhar, agus eisean ag baint úsáide as saothar Albert Memmi chun anailís éigin a dhéanamh ar ceist an fhórsa shíceolaíoch .i. an scitsifréine, atá in intinn an Éireannaigh. Scitsifréine a thiomáineann gráin do theanga dhúchas a thíre agus a chine.

Go bhfios domsa níl aon saothar níos cuimsithí ar an ábhar seo ar fáil as Gaeilge ón dhearcadh Gaelach? Agus is mór an trua é.

2 comments:

aonghus said...

Ana Yu Ming. Maith thú.

Dubhaltach said...

Níor smaoinigh mé faoi Yu Ming go dtí go ndúirt tú é!