Má chreideann tú gurb ionann tiocfaidh tú le tuairim an fhir seo san IT inniu.
"Ag praghsanna an lae inniu, tá luach margaidh iomlán Allied Irish Bank agus Banc na hÉireann ag €4 billiún, méid nach ndéanfadh ach log measartha sa chaillteanais ar an €90 billiún de sócmhainní atá á n-aistriú chuig Nama "*É! An bhfuil sé ag argóint ar son Nama!?
Má tá blúire céille agat ní chreidfidh tú gurb ionann agus tiocfaidh tú le tuairim an fhir seo san IT arú inné.
Ní hionann tír ag loiceadh ar a fiacha agus banc príobháideach ag loiceadh ar a fhiacha.
Ach, ar ndóigh, sa gcás go bhfuil ráthaíocht tugtha ag an tír sin do na bainc.!
Cuir na baincéirí an dallamullóg ceart ar an Bheirt Bhriain leis an ráthaíocht a thug siad, rinne na baincéirí ceap magaidh den bheirt acusan an oíche uaigneach úd a tháinig siad faoina ndéin ag insint scéalta chailleach an uafáis faoi chríoch thubaisteach chóras baincéireachta in Éirinn.
Míniú;
Bhíos agus mo pháirtí ag baint suilt as pionta i Nesbitts tráthnóna Domhnaigh éigin go luath i ndiaidh cur i bhfeidhm na ráthaíochta ar "taiscí" sna bainc.
Sa chúinne príobháideach in aice linn bhí beirt bhoic mhóra ó dhá institiúidí airgeadais ann. Tháinig an fear beáir chucu le scéal úr te bruite a rá dóibh.
Bhí sé i gceist ag na Gearmánaigh ráthaíocht a thabhairt dá mbainc mar a ndearna na hÉireannaigh a mhínigh sé.
"Sin muidne chun tosaigh ar an ardán domhanda arís!" arsa mo dhuine. D'óladar sláinte Éirinn.
Buinneach bhéil a bhí ann. Níl a fhios anois go fiú an raibh a fhios go díreach ag an Bheirt Bhriain go rabhadar ag tabhairt ráthaíochta, ní amháin do thaiscí, ach do bhannaí chomh maith .i. sealbhóirí bannaí.
Ní dhearna na Gearmánaigh amhlaidh mar a chreid na boic sa phub an tráthnóna sin, go háirithe nuair nach bhfuil meas madra acusan ar an nGeilleagar Angla-Shacsanaigh a chleachtar anseo.
Thugadar ráthaíocht do na taiscí amháin.
'Sea. Cuireadh an dallamullóg dubh ar an mBeirt Bhriain, níor thuig siad na himpleachtaí a bheadh ann dá dtabharfaí ráthaíocht do bhannaí. Ach thuig na baincéirí go deimhin, thuig an bheirt sa gcúinne.
Tuigeann an bheirt Bhriain anois.
Táid buartha go mór anois go dtiocfaidh na sealbhóirí bannaí ag lorg na ráthaíochta ar a mbannaí má dhéantar aon ní le cur as dóibh .i. náisiúnú. Sin an fáth go bhfuilid chomh naimhdeach ina haghaidh, sin an fáth go bhfuil an díospóireacht ar an ábhar lag.
An n-admhóidh siad gur rinneadh botún?
Ní mór dóibh.
Críochnaíonn an ráthaíocht sin i Meán Fómhair 2010.
*
aistrithe le cabhair ó Google Aistriú
No comments:
Post a Comment